လေထုဟာ စေးပျစ်နှစ်နေတယ်
စေးပျစ်နှစ်နေတာမှ နာဂစ်အနံ့ထောင်းထောင်း
အမျိုးတွေ အကျိုးစီးပွားကောင်းအောင်
ကြည့်နေတဲ့ခေတ်ဆိုတော့လည်း
ရွေ့လို့ကို မဖြစ်နိုင်တော့ဘူး။
မနက်ဖြန်ကို သူတို့ခိုးဖို့ ကြံထားမှတော့ နိုးပေါ့
ဂုတ်ချိုးခွစီးထားတာကို ခွါချလိုက်ရမှာပဲ နိုးပေါ့
အသက်အောင့်ပြီး "နိုး" ခလုတ်ကို ဖြုတ်ချလိုက်တာတောင်မှ
၉၂ ရာခိုင်နှုန်းဆိုတော့ ကောင်းပါလေရော။
လူတွေက သူတို့အသည်းနှလုံးကို ကိုယ်တိုင်လိမ်တယ်
"နာနာရိုက်နေတဲ့ တုတ်ကိုလျှာနဲ့ ရက်နေပုံမျိုး"
ကျိုးကျိုးနွံနွံ လိမ်ခဲ့တယ်
တခါက လှိုင်းထန်တာကို မေ့ခဲ့တဲ့ ပင်လယ်လို..
မုန်တိုင်းလွန် လေပြေညင်းလို...
ကောလာဟလသတင်း
အလဇ္ဇီ အတင်းအဖျင်း အနံ့တွေနဲ့ ကျေနပ်ပွဲဖွဲ့လို့။
ပေးစာကမ်းစာလောက်နဲ့
အဲသည်နွံထဲမှာပဲ သူငယ်နာလို နစ်လို့...။
မေမေ
၂၀၀၈ မှာ တခုခု ဖြစ်လာမှာလား
မေမေ..
သား အိုလံပစ်မီးရှုးတိုင် သွားပြေးလုရမလား။
မေမေ...
ဂျော်ဂျီယာနဲ့ ရုရှား သား ဘယ်သူ့ဘက်က ရပ်ရပါ့
မေမေ..
ဇင်ဘာဘွေမှာ
တိတ်ဆိတ်နေပုံက မသင်္ကာစရာ
မေမေ..
၂၀၁၀ ဆန္ဒမဲရေတွက်နေတာကို
အသက်မရှုဘဲ စောင့်နေကြဦးမှာလား...
ကမ္ဘာဦးည မှောင်မဲထဲမှာ
ကျနော်ပေါက်ကွဲတယ်... မေမေ
နံရံ ကျောကပ် တန်းစီ ပစ်လိုက်ရရင်တော့
စစ်ဗိုလ်ချုပ်တွေချည်း သက်သက် မဟုတ်လေဘူး
ကျနော်ပါ သွားရပ်ရလိမ့်မယ်။ ။
ယောဟန်အောင်
သြဂုတ် ၁၈၊ ၂၀၀၈။
Wednesday 20 August 2008
ဒီလေထု
Posted by ရွှေဥသြ at 08:03
Subscribe to:
Post Comments (Atom)
No comments:
Post a Comment